Surah Al Ma'arij Ayat 8-9 Urdu Translation Tafseer

Para 29 - تَبٰرَكَ الَّذِیْ

سورة المعارج

Audio PDF

بِسْمِ اللّٰهِ الرَّحْمٰنِ الرَّحِیْمِ

70.8-9

یَوْمَ تَكُوْنُ السَّمَآءُ كَالْمُهْلِۙ (8) وَ تَكُوْنُ الْجِبَالُ كَالْعِهْنِۙ (9)

Kanz ul Iman Kanz ul Irfan

کنزالعرفان

جس دن آسمان پگھلی ہوئی چاندی جیساہوجائے گا۔ اور پہاڑ اون کی طرح ہلکے ہوجائیں گے ۔

تفسیر : ‎صراط الجنان

{ یَوْمَ تَكُوْنُ السَّمَآءُ كَالْمُهْلِ : جس دن آسمان پگھلی ہوئی چاندی جیسا ہوجائے گا۔} اس آیت اور ا س کے بعد والی آیت کی ایک تفسیر یہ ہے کہ وہ عذاب ممکن ہے اور اس دن میں کوئی مشکل نہیں جس دن آسمان پگھلی ہوئی چاندی جیسا ہوگا اور پہاڑ اون کی طرح ہلکے ہوجائیں گے اور ہوا میں اُڑتے پھریں گے۔ دوسری تفسیر یہ ہے کہ ایک مانگنے والے نے وہ عذاب مانگا ہے جو ا س دن واقع ہو گا جس دن آسمان پگھلی ہوئی چاندی جیسا ہوجائے گا اور پہاڑ اُون کی طرح ہلکے ہوجائیں گے اور ہوا میں اُڑتے پھریں گے۔تیسری تفسیر یہ ہے کہ جس دن آسمان پگھلی ہوئی چاندی جیساہوگا اور پہاڑ اون کی طرح ہلکے ہوجائیں گے اور ہوا میں اُڑتے پھریں گے تو اس دن کی دہشت اور ہَولناکی تصوُّر سے بالا تر ہے۔( ابو سعود، المعارج،تحت الآیۃ:۸-۹،۵ / ۷۶۷، تفسیر کبیر، المعارج، تحت الآیۃ: ۸-۹، ۱۰ / ۶۴۱، مدارک، المعارج، تحت الآیۃ: ۸-۹، ص۱۲۷۸، ملتقطاً)